KORONADAL CITY– Nagapadayon ang damage assesment sang Municipal Disaster Risk Reduction and Management Office (MDRRMO) sa banwa sang Mlang, North Cotabato makaligad ginguba sang buhawi ang yara sa 10 ka kabalayan.
Suno kay Mlang Municipal Disaster Risk Reduction and Management (MDRRM) officer Bernardo Tayong, tuman nga ginhalitan sang ginakabig nga “freak tornado” ang nasambit nga mga puloy-an sa Brgy. Buayan kun sa diin apat diri ang totally damaged samtang partially damaged naman ang anom nga iban pa.
Magluwas diri, nagkalatumba man ang mga dalagkoan nga puno nga nagtuga sang mas dako nga damyos sa agrikultura.
Sa subong nagapadayon ang pag-aksyon sang local government unit sang Mlang sa mga apektado nga residente pinaagi sa paghatag sang ila mga basic needs.
Madumdoman nga sang 2015, wala nakaluwas angBarangay Buayan kag Barangay Sangat sa serye sang mga buhawi nga nagbilin sang masobra P2 milyon nga damyos sa imprastraktura kag agrikultura.
