KORONADAL CITY – Ginhatagan sa subong sang 10 ka adlaw agud nga file sang counter affidavid ang 3 ka mga anay opisyal sang Barangay Tablu Tampakan South Cotabato sa diin lakip na ang anay kapitan sang Barangay batok sa kaso nga ginsang-at sang pila ka mga anay kagawad sang nasambit nga barangay bangud sa kaso nga malversation of public funds,forgery, grieve misconduct kag serious dishonesty sa 3 ka indibidwal nga ginkalakipan sang treasurer, budget in finance kag barangay kapitan sa Tablu, Tampakan, SoCot.
Ini ang ginhatagan sng ligwa ni Jerly Dohina Ferolino – Former Bgry Kagawad sang Tablu, Tampakan, SoCot sa interview sang bombo radyo koronadal.
Suno sa anay opisyal,ginahulat na lamang ang korte ang counter affidavit sang mga respondents bangud sa malisyoso nga pagkadula ang balor P3 Million nga kwarta nga gintalana sang Saguitarrius Mines Inc. (SMI) para sa mga scholar sang mga ini sa nasambit nga barangay.
Gina alegar man nga ginpeke ukon ginsuno suno pa ang mga pirma sang mga barangay officials agud nga ma-withraw ang kwarta nga wala na nahibaluan kun sa diin na nagkadto.
Sa karun ginahulat na lamang sang Office of the Ombudsman ang counter affidavit sang mga respondents nga sanday Former Kapitan Delfin Magbanua, Jelyn Cale kag Jennifer Obaña nga amu ang ginpasakaan sang kaso
