10 balay sa siyudad sang Tacurong ginguba sang buhawi sa tunga sang quarantine protocol

KORONADAL CITY – Kasamtangan nga nagapabilin subong sa evacuation center ang 10 ka pamilya nga biktima sang pagpanalasa sang buhawi sa tunga sang quarantine protocol sa siyudad sang Tacurong.

Sa interbyu sang Bombo Radyo Koronadal kay Tacurong City Brgy. New Carmen Kapt. Fredie Brengas, nagluntad suno pa ang pagpanalasa takna alas 3 sang hapon kun ginguba sini ang 10 ka puloy-an nga hinimo sa concrete kag light materials.

Gilayon naman nga ginbuligan ang mga apektado nga pamilya nga nagahilibion kag na-trauma sa natabo.

Maswerte naman nga wala sang napilasan ukon napatay sa nasambit nga insidente.

Sa subong nagapatigayon sang psycohological kag financial assistance ang LGU-Tacurong para sa mga biktima sang nasambit nga kalamidad.