KORONADAL CITY – Nagapadayon ang operasyon sang mga otoridad sa duha ka barangay sa banwa sang Tupi, South Cotabato subong nga aga nga nagresulta na sa pagkamatay sang isa ka suno pa drug suspect.
Ginkilala ang napatay nga si Mindatu Aminola, yara sa legal nga edad kag Purok president sang Purok Uno, Brgy. Polunoling sa nasambit nga barangay.
Suno sa mga otoridad nagbato si Aminola rason nga naluthangan ini sang operating team.
Nakuha sa posisyon sini ang isa ka armas luthang kag mga bala.
Nahibaluan nga kinse (15) ka search warrant ang bibit sang gintingob nga pwersa sang South Cotabato PNP, Regional Anti-Drug Enforcement Unit, Regional Mobile Force Batallion kag Tupi PNP sa 5 ka high value target sa Barangay Palian kag Brgy. Polunoling sa nasambit nga banwa.
Madumduman nga kahapon duha man ang napatay lakip na ang isa ka ex-police sanmtang 1 man ang naaresto sa ginpatigayon nga operasyon sang mga otoridad sa banwa sang Sto Niño, South Cotabato.
