KORONADAL CITY- Nakapagkit sang isa ka patay samtang yara naman sa halos pulo ang naospital bangud sa diarrhea sa Sitio Tinugas, Barangay Ned, Lake Sebu, South Cotabato.
Ini ang ginkumpirma ni Lake Sebu Mayor Floro Gandam sa interbyu Bombo Radyo Koronadal.
Suno kay Mayor Gandam, yara sa 15 ang naka eksperyensya sang mga sintomas sang diarrhea sa nasambit nga lugar makaligad nga nag inom ini sang tubig nga gikan sa bubon.
Dugang pa sang alkalde, may 3 nga gindala sa South Cotabato Provincial Hopsital lakip ang isa ka Babaye nga ginabawian sang kabuhi bangud sa dehydration samtang ang iban naman ang ginabulong sa Barangay Health Center.
Sa nasambit nga numero sang mga biktima, lima ang mga bata nga yara sa karon sa luwas ang kondisyon.
Nahibaluan nga naghiwat sang aksyon ang IPHO kung sa diin nanghatag sila sang Oral Rehydration Solution o (ORESOL) sa mga nagmalasakit.
Kadam-an sa mga apektado nga residente ang naka eksperyesnya sang pagpalanuka, pagpalanakit sang tiyan kag pagpamuhin.
Naghiwat man sang sampling sa ginakwaan sang tubig sang mga ini nga posible nga nacontaminate bangud sa wala untat nga pagbuhos sang ulan.
Nagpanghatag naman sang malimpyo nga tubig ang LGU Lake Sebu sa mga apektado.
