PARANG, MAGUINDANAO– Wala naka abot pa nga buhi sa balay bululngan ang isa ka persona makaligad nga dululungan nga makuryente ang 5 ka persona sa bahin sang Barangay Nituan sa Banwa sang Parang, Maguindanao.
Ginkilala ni PCol. Jibin Bongcayao,Maguindanao Police Povincial Director ang napatay nga si Mike Bello Palte bangud sa tuman ka kusog nga pagkakuryente sini samtang tuman naman nga napilasan sanday ang mga tupad balay sini nga sanday Nasrodin Tegasan , Mosib Ermat, Joebert Ermat, kag Usman Karim.
Nag guwa sa imbestigasyon nga ginhiwat nga imbestigasyon sang Maguindanao PPO kag Parang Municipl Disaster Risk Reduction and Management Council, nagluntad ang panghitabo samtang naga patindog ang mga biktima sang isa ka antenna sang aksidente nga nakatandog ang ginapatikod nga antenna sa isa ka high-tension power cable kag nalatayan sang kuryente ang metal nga butang nga nangin tunaan sang pagkamang sang kuryente padulong sa mga biktima.
Sa kakusog sang kuryente, nagkaratumba ang mga biktima kag nagparangluya.
Nag responde naman ang MDRRMO-Parang para sa mga biktima apang wala na nahingagaw pa nga buhi si Palte.
