Isa ka bangaanay sang duha ka motorsiko ang nag luntad sa sa National Highway, Barangay Bolebak, Lebak, Sultan Kudarat kung sa diin isa ang patay kag apat ang pilsason kahapon sang hapon, Abril 27.
Suno sa kapulisan, alas 3:30 sang hapon, nagbanggaanay ang itom nga Honda XR 125 nga ginamaneho ni Aurelio P. Castro, 64 anyos, upod ang iya asawa nga si Merlina A. Castro, 56 anyos nga residente sang Barangay Christanuevo, kontra sa itom nga Baja motorcycle nga ginamaneho naman ni Edgar M. Mauanay Jr., 29 anyos, upod sanday Keavin Jay Nieles, 17 anyos kag Jhon First Elevencione 21 anyos kag residente naman residente sang Lebak.
Sa inisyal nga imbestigasyon, nadulaan sang kontrol si Mauanay samtang nagalabay sa papanaog nga kurbada, rason nga naglapaw ini sa pihak nga linya kag nabunggoan ang motorsiklo ni Castro.
Bangod sa kusog sang impact, pareho nga pilason ang mga sakay. Gilayon nga gindala sa balay bululngan, apang si Aurelio Castro gindeklarar naman nga dead on arrival.
Samtang si Merlina Castro kag ang tatlo ka iban pa, padayon nga ginabulong sa karon sa balay bulolngan.
Sa karon yara na sa kustodiya sang kapulisan ang duha ka motorsiklo samtang padayon ang imbestigasyon agud matumod kun ano ang detalyado nga natabo sa nasambit nga aksidente.
