KORONADAL CITY– Nagapadayon sa karon ang imbestigasyon sang mga otoridad sa nagluntad nga pagpangluthang sa sulod ang compound samg bulangan sa syudad sang Koronadal.
Sa ekslusibo nga interbyu sang Bombo Radyo Koronadal kay Brgy. Sto. Niño, Koronadal City kapitan Norberto Bañaria, nagluntad ang pagpangluthang sa Prk. Kaunlaran Brgy. Sto. Niño sa sulod mismo sang Koronadal Sports Complex kun sa diin dead on the spot si Reynan L. Pagdato, 54 anyos kag kritikal naman si Harry Ogpon Depito, 15 anyos.
Pilason man ang mga kaupdanan nila nga si Johnreal Ogpon Alverio 22 anyos kag Mark John Berameda 12 anyos.
Sa pagresponder sang mga katapo sang Koronadal City PNP sa lugar, pito ka basyo sang kalibre 45 nga pistolya ang narekober sa ginluntaran sang krimen.
Sa karun blang pa ang mga otoridad sa identity sang mga suspek apang ginasiling nga may mga nakaaway suno pa ang mga kabataan nga biktima antes pa nagluntad ang pagpangluthang.
