KORONADAL CITY- Nagapadayon ang imbestigasyon sang Midsayap PNP makaligad ang nagluntad nga pagpangluthang sa nasambit nga banwa.
Base sa imbestigasyon sang Midsayap PNP, nagluntad ang krimen sa Brgy. Salunayan, Midsayap, North Cotabato samtang naga inom-inom ang mga mag abyan nga sanday Ronald Mallari 44 anyos, isa ka karpintero, Marius Hernane, 46 anyos, Mike Gumayao, 65 anyos nga mga construction workers kag Michael Gumayao, 36 anyos isa ka driver nga mga residente sang Brgy. Salunayan sa nasambit nga banwa.
Nahibaluan nga sa tunga sang pag inom inom , gulpi na lamang nag abot ang 2 ka persona nga nakasakay sa motorsiklo kag ginpangluthang ang mga naga inom inom nga mga mag abyan usar ang cal. 45 kag 9mm pistols.
Patay naman on the spot si Mallari samtang pilason naman ang mga kaupdanan sini.
Sa karon indi pa matumod sang mga otoridad ang matuod nga motibo sang nasambit nga pagpangluthang.
