Ginbawian sang kabuhi ang isa ka 4th year psychology student sang isa ka pribado nga eskwelahan sa siyudad sang Kidapawan matapos ini nga mainvolbar sa isa ka aksidente pasado alas 3:00 sang hapon sa National Highway sang 114 Paco, Kidapawan City, Agosto 1, 2024.
Ginkilala ang napatay nga estudyante nga si Benedict Paulo, residente sang Barangay Binoligan, sang nasambit nga siyudad.
Sa inisyal nga impormasyon gikan sa Kidapawan City PNP Traffic Management Unit, sakay sang tricycle ang estudyante kaupod ang duha ka iban pa.
Sang nag-abot sa lugar, nasalakay ini sang SUV nga nagaduag sang grey sang ginasakyan nga tricycle sang estudyante.
Sa kabaskog sang impact, nagtabog ang mga biktima kun diin nag-angkon sang malubha nga pilas si Paulo nga gintunaan sang gilayon nga kamatayon.
Sa subong yara na sa kustodiya sang kapulisan ang driver sangn SUV matapos boluntaryo nga nagsungka.
Samtang nagapaayo naman ang mga pilasson sa nagluntad nga aksidente.
