KORONADAL CITY-Isa ang patay samtang 3 naman ang pilason lakip na ang isa ka pulis sa nagluntad nga engkwentro sa tunga sang kapulisan kag mga lawless armed group sa boundary sang Sultan Kudarat kag Sarangani Province.
Ini ang ginkunpermar ni Police Major Darwin Castillo, tagpamaba sang Sultan Kudarat PPO, sa diin maga implementar sang arrest warrant ang Joint Forces sang CIDG 12 kag Sultan Kudarat Police Intelligence Unit sa mga wanted nga mga indibidwal nga amu sanday Alias UTI kag Maglam Tongkay sa Barangay Tuanadatu, Maitum, Saranggani Province, apang sa baylo nga mga upod sang tayuyun, nagbato ang mga target kun sa diin nangin kabangdanan sang 30 minuto nga enkwentro.
Sa katungan sang lukpanay, nakaangkon pilas ang bahin sang raiding team nga si PSMSgt Leo Darius Gregorio samtang patay naman ang isa sa mga armado kag pilason ang 2 pa ka iban.
Madasig naman nga nag withraw ang mga otoridad kag gin hingagaw ang pilason nga pulis. Sa subog naga paayo na ang pulis nga pilason sa encounter.
Naga padayon naman ang pag lagas kag pagpangita sang mga otoridad sa mga nakapalagyo nga suspeks.
