KORONADAL CITY– Nakaalerto sa gihapon ang Provincial Disaster Risk Reduction and Management Council sang North Cotabato sa sitwasyon kasunod sang magnitude 5.6 nga linog nga nag-igo sa Makilala, North Cotabato kag nabatyagan man sa pila ka bahin sang Mindanao.
Sa interbyu sang Bombo Radyo Koronadal kay Kidapawan City Disaster Risk Reduction and Management Officer Salmer Bernalte, ginbakwit sang Disaster Preparedness Team ang mga pasyente sang Kidapawan Doctors Hospital kag ginsauylo sa isa ka tennis court sa syudad nga isa ka luwas nga lugar agud indi mabudlayan ang mga staff sang ospital nga magbakwit sa tion nga magapadayon pa kag maglala ang pagtay-og.
Kaangot sini, base sa ila monitoring, may napagkit suno pa nga patay sa Makilala, North Cotabato makaligad gin atake sa kurason bangud sa tuman nga nerbyos sa tunga sang pagluntad sang linog kag may mga pilason man makaligad mahulugan sang matig-a nga butang sa ulo nga sa karon ginakumpirmar pa kag ginahibalo pa ang mga pangalan.
Nahibaluan nga udto sang nagdeklarar man ang Kidapawan City sang suspensyon sang klase bangud sa nagapadayon nga mga aftershocks.
