KORONADAL CITY – Nagresulta sa pagkapatay sang isa katawo kag pilason naman ang duha pa sa nagluntad nga pagbuguanay sang duha ka mga salakayan sa Esperanza, Sultan Kudarat.
Ginkilala ang napatay nga si Trisha Manansala, driver sang Mitsubishi Mirage nga may nga may plaka nga B2-P711 nga padulong sa Isulan Sultan Kudarat.
Samtang pilason naman sanday Paul Solivio, driver sang van kag Jesusima Solivio nga katapo sang DPWH nga padulong sa Cotabato City.
Suno sa Esperanza PNP, nag overtake ang duha ka mga salakyan sa makabilang lanes sa national highway sa bahin sang Barangay Dukay, Esperanza sa kasagsagan sang mabaskog nga ulan.
Apang madanlog ang dalanon, apisar pa nga nagpreno ang duha ka salakyan, nagbunguanay sa gihapon ang mga ini.
Madasig man nga gindangat sa balay bululngan ang mga biktima apang ginbawian sang kabuhi si Manansala.
Sa subong nagapadayon naman ang imbestigasyon sang Traffic Management Unit sang nasambit nga banwa angot sa insidente.
