KORONADAL CITY – Nagapadayon sa karon ang imbestigasyon sang kapulisan sa nagluntad nga pagsigabong sang improvised explosive device (IED) sa isa ka unit sang bus sang Yellow Bus Lines Incoporated alas-10:45 kahapon sang aga sa bahin sang Purok Duranta, Barangay Poblacion, Tacurong City.
Sa interview sang Bombo Radyo Koronadal kay Mr. Bernard Bolanio, operations Manager sang YBL, gikan sa Kidapawan City nag-agi sa Mlang, Tulunan kag Maguindanao area ang bus nga may body number 2588 sakay ang 29 ka pasahero padulong sa siyudad sang Tacurong kag pasulod na kuntani sa Public Terminal apang pag-abot sa nasambit nga lugar kag nagsigabong.
Ginkilala ang napatay nga si Gilbert P. Barbosa, 56 anyos nga residente sang Brgy. Balabag, Carmen, North Cotabato nga gindala sa Collado Funeral Homes sa siyudad sang Tacurong
Samtang, yari naman ang pangalan sang mga pilason nga biktima nga gindala sa St. Louis Hospital:
1. Catayada, Emmanuel y Bravo, 22yo, single, res of Guihing, Davao Del Sur
2. Erlinda Pama y Esteban, 47 yo, married, farmer ,res of Brgy Sibsib, Tulunan , Cotabato
3. Bea Posia y Padios, 21 yo, single, Medical Technology and a res of Kisante Makilala, Cotabato
4. Braulio Boston y Sosana, 39 yo, married, Pomelo Vendor and a res of Bagontapay, Mlang, Cotabato
5. Delia Della y Francisco, 64 yo, senior citizen, Prk Bagong Silang, Madanding
6.Esmael Daomilang y Tama, 55 yo and a res of Buluan, Maguindanao
7. Rex Relebante y Eligue, 24 yo, single, self employed ,and a res Binoligan, Kidapawan City
8. Nancy Nietes y Cabañog, 41 yo, married , housewife and a res of Dalapitan, Matalam, Cotabato
9. Zeninze Nietes y Cabañog, minor and a res of Dalapitan Matalam Cotabato
10.Zezkeel Dave Osorio y Saquian, 26 yo, single, member AFP, and a res of Antipas , Cotabato
11. Jobert Rivera y Leuterio, 35 yo, married , AFP member and a res of Antipas, Cotabato
Kasamtangan naman nga ginkordon ang area kun diin nakapark ang bus samtang nagapadayon ang imbestigasyon sang EOD team kun ano nga sahi sang IED ang nagsigabong kag kun sin-o ang responsable sa pagsigabong.
Nahibaluan nga magluwas sa una nga naglupok, may narekober pa nga isa ka IED ang EOD team.
