KORONADAL CITY– Nagtuga sang tuman nga pagkaalarma sa mga residente sang Purok Mabini, Brgy. Naci Surallah South Cotabato ang nagadamo nga mga napagkit nga mga biktima sang balatian nga Dengue sa nasambit nga lugar.
Sa interbyu sang Bombo Radyo Koronadal kay Grace Gardonia, sa ila nga puluy-an apat sila ang may balatian nga Dengue kalakip na ang mga hinablos sini nga mga menor de edad samtang sa bug-os nga Purok Mabini yara sa 11 ka pamilya na ang naigo sang Dengue.
Pahayag sini nga wala suno pa sang ginahimo nga aksyon ang ila Barangay Council angot sa nasambit nga problema.
Sa pihak nga bahin, ginpahayag naman ni Suralla South Cotabato Municipal Health Officer Niel Crespo nga nakamonitor sila sa nasambit nga insidente kun sa diin nakatutok naman ang Municipal Epidemiological Unit sang ila nga banwa.
Dugang pa sini nga bangud sa nasambit nga insidente, nagpatigayon man sang clean-up drive ang Barangay Council kun sa diin gin-awhag sini ang mga biktima sang Dengue nga magpalapit sa Municipal Health Center sang Surallah agud nga mabulong ang ila balatian makaligad isa na ang napagkit nga patay.
