KORONADAL CITY – Nagapadayon sa subong ang imbestigasyon sang mga otoridad sa nagluntad nga riot sang mga construction worker sa ginpatukod nga Municipal Hall sa banwa sang Lambayong, Sultan Kudarat nga nagaresulta sa pagkamatay sang isa kga pagkapilas sang isa pa.
Ginkilala ni PMaj. Jenahmeel Gelig Toñacao, hepe sang Lambayong PNP ang napatay nga biktima nga si Arnolfo Tene samtang ang pilason naman si Carlos Migo Palingkog, 51-anyos lunsay residente sang Purok III, Barangay Morales, Koronadal City, South Cotabato.
Nag guwa sa imbestigasyon sang pulisya nga samtang nagakaon ang duha ka biktima sa mismong bunk house nga ginpatukod nga Municipal Hall sa Purok Rang-ay, Barangay Poblacion, Lambayong, Sultan Kudarat sang nag abot ang mga suspek nga nanday Ganda Mama kag Merao Mama nga lunsay mga construction worker man sa lugar.
Nakaangkon suno pa sang mainit nga pagbaisanay kag komusyon sa tunga sang mga construction workers nga nangin kabangdanan nga gin buno ni Ganda Mama ang duha nga biktima.
Makaligad ang pagpangbuni hinali nga naghalin si Ganda Mama kag ang kaupod sini nga Merao Mama padulong sa indi makilal-an nga direksyon.
Gindangat naman sang rumesponde nga mga pulis ang duha ka biktima sa pinakamalapit nga balay bulul-ngan apang gin diklarar nga patay si Tenes samtang pilason naman si Palingkog.
Natalana nga pagasang-atan sang nagakaigo nga kaso ang duha nga naka palagyo nga mga suspek.
