KORONADAL CITY – Ginbawian sang kabuhi ang isa ka driver sang motorsiklo samtang pilason naman ang angkas sini sa nagluntad nga pagbunggo-anay sang single motor kag Van sa kalabaon sang National Highway partikular sang Crossing Kipot,Brgy. Liwanay sa banwa sang Banga, South Cotabato.
Ginkilala ang napatay nga si Dan Tangcay, 19-anyos,samtang pilason man ang angkas sini nga ginkilala sa kay Ongkoy Tangcay Minson, 21-anyos, lunsay mga residente sang Sitio Tipas,Brgy.Colungulo Surallah,South Cotabato.
Sandig sa imbestigasyon sang Banga PNP, ginasubay sang duha ka mga involbado nga mga salakyan ang opposite nga dalan sang National Highway sang aksidente nga magbonggo-anay ang single motorsiklo nga ginamaneho ni Tangcay kag ang Van nga ginamaniho ni Rami Agdana Clavisillas, 34-anyos kag residente sang banwa sang Surallah.
Nakaangkon sang seryoso nga pilas ang duha ka mga biktima nga gilayon nga gindangat sa SOCCSKSARGEN General Hospital apang gindeklarar nga dead on arrival si Tangcay..
