NORTH COTABATO – Nakapagkit na ang North Cotabato Provincial Disaster Risk Reduction and Management Council sang isa ka tawo nga ginbawian sang kabuhi sa tunga sang 4.3 nga linog.
Sa interbyu sang Bombo Radyo Koronadal kay North Cotabato PDRRMO chief Mercy Foronda, isa ka 65 anyos nga tigulang halin sa banwa sang M’lang ang ginbawian sang kabuhi bangud sa nagluntad nga pagtay-og.
Magluwas dire, isa man ang pilason sa nasambit nga kalamidad.
Suno kay Foronda, ginsuspender ang tanan nga lebel sang klase sa Kidapawan, Makilala, Tulunan kag Magpet agud masiguro ang kahimtangan sang mga estudyante.
Temprano man ginpapuli ang mga empleyado sang Kidapawan LGU makaligad ginsuspender ang ila ubra bangud sa linog.
Kaangot sini, hinali man sila nagpalab-ot sang bulig sa mga apektado nga mga residente.
Liwat man nagpahanumdom ang opisyal nga mangin alerto kag unahon ang kahimtangan sang taga isa.
