KORONADAL CITY – Patay ang isa ka lineman kag pilason naman ang isa pa makaligad makuryente ang mga ini sa ginapatukod nga linya sang PLDT sa bahin sang Brgy. Biwang, Bagumbayan, Sultan Kudarat.
Ginkilala lamang ang mga biktima nga sanday alyas Jun, ang nasambit nga napatay sa insidente kag alyas Alfred nga yara sa 20 pasaka kag lunsay mga residente sang nasambit nga banwa.
Base sa ginpatigayon nga imbestigasyon, hinali nga naglupok ang linyada sang kuryente rason nga nahulog ang mga ini kag nasunog ang pila ka bahin sang ila lawas.
Gilayon naman nga gintawagan sang mga nakakita ang otoridad kag ambulansya kag ginrespondehan naman sang mga ini.
Apang wala na nakaabot sa balay bulolngan si alyas Jun samtang padulong diri.
Tuman naman nga kasubo ang nabatyagan sang pamilya sang biktima samtang nagapadayon ang pagpaayo sang isa pa ka biktima.
