KORONADAL CITY- Patay ang isa ka drug suspect samtang arestado naman ang isa pa sa ginpatigayon nga drug buy bust operation sang Isulan PNP sa mismo nga public terminal sang Isulan, Sultan Kudarat kagab-i.
Ginkilala ang suspek nga si Ben Ali Gialal Salik, 25 anyos nga residente sang Kalawag II, Isulan.
Nakuha sa posisyon sini ang 2 ka plastic transparent sachet nga ginapatihan nga shabu.
Suno sa PNP, sa interogasyon sa suspek gintudlo sini nga source sang droga ang isa ka Amer Pendewata nga residente man sang nasambit nga lugar rason nga gilayon ginpatigayon ang isa ka follow up operation.
Sa kasagsagan suno pa sang transaksyon, nahalata sini nga pulis ang iya ka transak rason nga ginpalukpan sini sang cal. 38 apang madasig nga nakalikaw ang pulis.
Diri nagtimalos ang otoridad kag nakaangkon sang 11 nga igo sang bala si Pendewata nga rason sang gilayon sini nga kamatayon.
Nakuha sa poder sini ang pila ka sachet sang ginapatihan nga shabu, cal. 38 kag walo ka bala samtang ginapreparar na ang kaso nga ipasaka batuk sa naaresto nga drug suspect.
