KORONADAL CITY – Isa pa ka Improvised Explosive Device ang nasapwan sa 747 establishment sa siyudad sang Koronadal subong nga hapon lamang.
Sa interbyu sang Bombo Radyo Koronadal kay Koronadal City Mayor Peter Miguel gilayon nga ginresponderan sang explosive ordnance disposal team ang area kun diin ginsulod pa ang IED sa basurahan.
Gilayon naman ini nga gindetonate sang explosive ordinance disposal team.
Samtang, nagapanaagan naman si Koronadal City Mayor Peter Miguel sa mga pumuluyo sa Koronadal nga magpabilin nga kalmado bangud ginahimo sang mga otoridad ang tanan agud nga makontrol ang asod-asod nga pagkarekober sang bomba sa siyudad.
Sa subong, ginalagas na sang mga otoridad ang mga suspek sa likod sang pagpasigabong sang bomba kag pagbilin sang isa pa ka IED sa isa ka establisemento.
