KORONADAL CITY- Naghimo na sang Technical Working Group ang Polomolok South Cotabato para sa ginaproponer sini nga conversion sang munisipalidad agud tigayon na ini nga mangin syudad.
Suno kay Polomolok Mayor Honey Lumayag Matti nga ang nasambit nga tikang ang maga koordinar kag magapadasig pa sang tikang sa paghimo sang Polomolok mangin second component city sang South Cotabato.
Ang TWG ang gin kri-er pinaagi naman sa Executive Order No.2 nga magapatigayon sang pagtuon kag pagpangalap sang nagakaigo nga dokumento bilang suporta sa ila cityhood bid.
Ini man ang magatutok sa developments sang House Bill 1218 nga amuh naman ang proposed “Act converting the municipality of Polomolok in the Province of South Cotabato into a component city to be known as the City of Polomolok.”.
Madumduman nga ang HB 1218 ang ginproponer ni South Cotabato 1st District Rep. Pedro Acharon Jr nga una na nga ginfile sang hulyo 5 2016 kag ginrefer sang House Committee on rules sang Agusto 1 sa lokal nga gobyerno.
Ginhatagan pa punto ni Matti nga ang Polomolok ang madugay na nga kwalipikado agud mangin syudad base sa amended provisions of Section 450 sang Rep. act 7160 ukon Local Government Code of 1991.
Nahibaluan nga ang Polomolok ang isa ka first class municipality nga nakapasar na sa requirements bangud ini ang nakagenerate na sang total income nga P327.1 milion sang 2014 kag P368.8 million sang tuig 2015.
