KORONADAL CITY – Mahimo na nga makaparehistro ang mga bata nga nagaedad sang isa (1) tubtob apat (4) ka tuig sa National ID apang kinahanglan nga rehistrado na ang ila mga ginikanan.
Ini ang ginpahayag ni Ms. Dessa Joice J. Solatorio, PSA-South Cotabato National ID Focal Person sa interview sang Bombo Radyo Koronadal.
Suno kay Solatorio, kinahanglan ang birth certificate sang bata apang kun wala pa sang birth certificate kinahanglan magpalapit sa city civil registrar para iparehistro ini.
May yara man sang igapatigayon nga mobile registration para mapadasig ang pag-rehistro sa mga indibidwal nga nagaistar sa mga Sitio ukon malayo nga lugar sa South Cotabato.
Dugang pa ni Solatorio isa sa rason nga nagakadelay ang pila ka National Id bangud gina-chekyar pa sang maayo ang biometrics ukon ang finger prints lakip na ang eyes scan sang mga ini agud mahibaluan kun may kapareho o wala.
Kadungan sini, ginaawhag nila ang tanan nga magbisita man sa ila talatapan sa Balmores Street, Zone 2, Koronadal City.
