KORONADAL CITY – Arestado ang ginaaligar nga duha ka big time drug pusher sa ginpatigayon nga buy-bust operation sa Picgawayan, North Cotabato.
Ginkilala ni Pigcawayan police chief Major Ivan Samoraga ang mga naarestar nga sanday Benjie Akmad Walao alyas “Dats” 34 anyos, residente sang Barangay Simsiman kag Rahib Ebrahim, 31 anyos, mangunguma nga residente naman sang Barangay Kadingilan sa nasambit nga banwa.
Naarestar ang mga ini sa gintingob nga pwersa sang PNP-12 kag PDEA 12 sa bahin sang Barangay Bacunagon.
Nakuha naman sa mga ito ang nagabalor nga P1.3 Million nga ginapatihan nga droga, pila ka sahi sang armas luthang kasubong sang kalibre 45, mga bala, mga kwarta kag motorsiklo.
Sa subong, ginapreparahan na ang kaso nga pagbayolar sa Comprehensive Dangerous Drugs Act of 2002 kag Firearms and Ammunitions Regulation Act batok sa duha.
