Ginpangunahan ni Pangulong Ferdinand Marcos Jr. ang ceremonial turnover of Socio-Civic Projects Fund (SCPF) assistance nga nagabalor sang Php40 million sa Provincial Government of South Cotabato kalakip man sa aktibidad ang pagpanagtag sang financial assistance sang Department of Social Welfare and Development (DSWD) pinaagi sa Assistance to Individuals in Crisis Situation (AICS) Program sa mga pamilya nga naigo sang 7.8-magnitude nga linog sa South Cotabato makaligad nga nagpaidalom ang probinsiya sang state of calamity.
Gintambungan naman ang nasambit nga aktibidad sang madamo nga mga indibidwal nga nangin apektado sang kalamidad.
Madumduman nga may yara na sang nakapreparar nga plano para sa paggamit sang pondo kag ginabanta nga P20 milyon lamang anay ang kinahanglan nga magamit para sa nagapadayon nga emergency response kag relief operations.
Sa kasamtangan ginatipon pa ang kumpleto nga datos bahin sa danyos sa imprastruktura, panimalay kag pangabuhi sang mga residente agud mas mahibaluan ang bug-os nga epekto sang kalamidad sa probinsya.
Sa ulihi, ginpaathag sa mga otoridad, nga importante ang padayon nga validation kag assessment bangud amo ini ang mangin basehan sa dugang nga bulig kag rehabilitasyon nga igahatag sa mga komunidad nga pinakaapektado sang linog.
