KORONADAL CITY – Balik sa presuhan ang isa ka pugante matapos nga madakpan sa ginpatigayon nga search operation sang kapulisan sa banwa sang Surallah South Cotabato.
Ginkilala ang nadakpan nga si Danny Andrada alyas “Dan-dan”, residente sang Barangay Centrala sa nasambit nga banwa kag pugante sang General Santos City Jail.
Suno kay PCI Jardi Mont Sibal, chief of police sang Surallah Municipal Police Station nga madugay na nila nga ginamonitor si Andrada bangud sa pagduso sang droga.
Nahibaluan nga si Andrada ang isa lamang sa mga preso nga nakapalagyo sa General Santos City Jail sang tuig 2000.
Narekober naman kay Andrada ang lima ka small sachet sang ginapatihan nga shabu kag P22,810 nga kwarta.
Sa subong, yara na ini sa kostudiya sang Surallah Municipal Police Station.
