KORONADAL CITY-Lubos ang pagpasalamat sang Commission on Human Rights (CHR) matapos nga gin aprubaran sang kamara ang ila ginahingyo nga pondo nga nagalab-ot sa P678 million.
Sa interbyu sang Bombo Radyo Koronadal kay Atty. Jacky Deguia, ang tigpamaba sang CHR,ginpahayag sini nga isa ini ka manami nga mensahe para sa pungsod bangud pagpakita ini sang paghatag sang importansya sang gobyerno sa tawhanong kinamatarong.
Kaangot sini, ginpahayag sang opisyal nga wala lamang nahangpan sang pipila ang mandato sang ahensya kag indi nakit an ang ila ginahimo sa mga naabuso.
Samtang ginpahayag sini nga indi kuntani ikaakig sang administrasyon ang ila nga imbestigasyon ilabi na sa kampanya kontra iligal nga droga sang Duterte Administration bangud indi suno pa ini nagakahulugan nga ginakontra nila ini.
Bilang pamatuod, ila suno pa nga ginadayaw ang mga kapulisan nga nagapatigayon sang operasyon kag wala sang mga napagkit nga patyanay.
Luyag man suno pa sang CHR nga magpadayon ang war against drugs sang administrasyon apang dapat wala sang insidente sang patyanay ukon may yara man dapat ini isolated lamang kag may yara sang balasehan.
