KORONADAL CITY- Nagtrending man indi lamang sa Pilipinas ang insidente nga paghalok ni Pres. Rodrigo Duterte sa isa ka Pinay sa pag atubang sini sa Filipino community sa Seoul, South Korea apang gin-istoryahan man ini sa mga pahayagan, telebisyon, radyo kag ilabi na sa social media.
Sa ekslusibo nga interbyu sang Bombo Radyo Koronadal kay Girlie Simpao Yoon, isa ka pinay halin sa South Cotabato nga nakapamana sang Korean national, gina-istoryahan man sang mga Koreano ang paghalok sang presidente sa isa ka Pinay kun sa diin kun may yara sang mga nalipay, may pila man ka mga Koreano ang naugot kag ginkwestyon kun nga-a nagpahalok ang Pinay kag pila man ang nagsiling nga wala dapat ginhimo ini sang Pinay bangud nagalantaw ang iya nga pamilya.
Samtang gindipensahan man suno pa sang Pinay nga lahog lang ang paghalukanay nila sang presidente kag wala suno pa ini sang malisya.
Sa pihak nga bahin, malipayon ang Filipino community sa 3-day official visit sang Presidente kag nagalaum nga mas magbaskog pa ang relasyon sang Pilipinas kag South Korea.
