KORONADAL CITY- Yara na sa kustodiya subong sang mga otoridad ang isa ka motorista matapos nga maaresto sa hana ngapagpanuhol sa pulis nga on duty sa isa ka checkpoint sa siyudad sang Koronadal.
Ginkilala ang nadakpan nga si Moktar Andang, 19 anyos nga residente sang Tacurong City.
Gindakop si Moktar sa checkpoint sa Barangay Morales, Koronadal City bangud wala ini sang may mapakita nga driver’s license kag OR/CR sang iya ginamaneho nga motorsiklo.
Matapos nga sitahon ni P02 Roderick Prudente , nagpaguwa sang P500.00 si Moktar kag ginhatag sa pulis nga nagabantay sa checkpoint para makalusot.
Sa baylo nga batunon ni PO2 Prudente ang kwarta ginposasan niya ini kag gindala sa police station.
Hugot naman nga ginpanginwala ni Moktar nga intensyon niya nga suhulan ang pulis bangud ang lima ka gatus ang bayad niya para sa nakomiter nga bayulasyon.
