KORONADAL CITY-Ginkumpirmar ni Mera Castro sang Mexico City kag residente sang Valencia, Bukidnon sa interbyu sang Bombo Radyo Koronadal nga nagabuliganay ang mga residente sa Mexico makaligad ang ginkabig ngakiller quake nga nag utas sang kabuhi sang madamo nga residente.
Makit-an suno pa subong nga madamo sang nagahatag sang ayuda ilabi na sang pagkaon kag tubig nga amo ang nagapanguna nga kinahanglanon matapos nga mangin ang mga water system ang naguba sa 7.1 magnitude nga linog.
Ginpahayag man sini nga mismosi Mexican President Enrique Peña Nieto ang nagalibot agud nga makit-an ang sitwasyon sang mga naapektuhan nga residente kag makit an kun ano pa ang kinahanglanon.
Kaangot sini,, nakabtyag Sa gihapon suno pa sang kahadlok ang mga residente ilabi na sa Mexico City matapos ang nabatyagan nga mga aftershocks nga nagalab ot pa sa magnitude 4.0.
Sa subong mas ginpahugtan pa sang mga soldado kag iban pa nga rescuers ang rescue efforts agud nga mapadasig ang pagluwas sa mga posible pa nga survivors.
