KORONADAL CITY– Padayon ang assessment sang Barangay Council sang Barangay Saravia, Koronadal City sa damyos nga ginbilin sang nagluntad nga landslide kagab i sa Sitio Cabuling, Purok El Gawel, Baragay Saravia, Koronadal City.
Ginpahayag sa Bombo Radyo Koronadal ni Koronadal City Administrator kag City Disaster Risk Reduction and Managemant Council Action Officer Cyrus Jose Urbano nga wala sang napagkit nga casualty sa insidente apang napagkit ang malapnagon nga pagbaha sa lugar.
Indi naman nangin passable ang dalan rason nga kinahanglanon pa nga ipadala ang mga heavy equipment sang Koronadal City.
Sa subong nagapanawagan sang bulig ang mga residente matapos nga maguba ang source sang ila gina inom nga tubig matapos nga wala sa gihapon nakaabot ang bulig sang gobyerno para sa mga residente bangud pabudlayay sa gihapon ang pagsaka.
Samtang suno sa Sitio leader sa lugar, nabalaka sila sa subong makaligad nga may yara suno pa sang nadiskubre nga dako nga buho sa bukid nga napuno sang tubig nga posible nga mangin rason pa sang mas dako nga landslide ilabi na kun liwat magbubu ang mabaskog nga ulan.
Sa inisyal nga impormasyon wala naman naganubo sa 20 ka panimalay ang ginguba sang tubig baha.
Sa pihak nga bahin magluwas sa Sitio Cabuling, apektado man sang pagbaha ang Sitio Dunganlahik sa nasambit nga Barangay.
Sa interbyu sang Bombo Radyo sa mga residente tuman suno pa nga mabaskog ang pagbubu sang ulan kasunod sini ang pagbaha nga nagsulod pa sa ila mga kabalayan.
Kaangot isni duha ang napilasan matapos nga mag agi sa sapa sang nagsaka ang tubig rason nga dyutayan nga naanod kag nabangga sila sa bato.
Nakaangkon sang pilas sa paa ang magtiya nga Carlene Joy kag Bebeng nga gilayon nag gin rescue sang rescue teams ang Koronadal City.
