KORONADAL CITY– Yara sa iban nga pungsod ang presiding judge nga ginpahamtangan sang isa ka tuig nga suspensyon sang Korte Suprema.
Ini ang nakuha nga impormasyon sang Bombo Radyo Koronadal.
Nahibaluan nga ginpahamtangan si Koronadal City RTC Branch 24 Acting Judge Jordan Reyes sang isa ka tuig nga suspensiyon bangud sa pagpaguwa sang walo ka release order pabor sa mga suspek nga guwa na sa iya nga hurisdiksyon.
Base sa 13-page en banc resolution, napamatud-an nga nakasala si Reyes sang adminstrative offense of gross ignorance of the law matapos nga gin-aprubahan ang property bond agud nga makapiyansa ang mga suspek.
Paathag sang Korte Suprema, mahimo lamang iproseso ang pyansa kun wala sang huwes sa Alabel RTC Branch 38 kag sa 3 pa ka mga branches.
Apang, gin-athag man sang korte nga wala sang salabton si Reyes sa tatlo pa ka release orders nga ginpanginwala sini nga iya napirmahan.
Nahibaluan nga ginpa-scan sang isa ka Sethmark Villegas ang pirma ni Reyes sa nasambit nga tatlo ka release order.
Tumanggi naman na magpalabas ng statement ang RTC branch 24 kaugnay sa kinakaharap na suspensiyon ni Judge Reyes.
