Isa ka Barangay sa Koronadal City ginpaidalom na sa state of calamity, makaligad ang napagkit nga landslide kag pagbaha

KORONADAL CITY-Ginpaidalum na sa state of calamity ang Barangay Saravia, syudad sang koronadal matapos nga gindalasa ini sang tuman nga pagbaha kag landslide sang nagligad nga inadlaw.

Sa interbyu sang Bombo Radyo Koronadal kay Brgy. Saravia Kag. Victor Pansa, nga sa ila ginpatigayon nga sesyon nahisgutan nga ipaidalum sa state of calamity ang barangay bangud lima ka sitio ang tuman nga naapektuhan sang kalamidad.

Sa subong padayon suno pa nga ginavalidate ang damyos nga natuga sini.

Samtang nagpasalamat naman ang opisyal bangud apisar sa natuga sini nga damyos, wala sang napagkit nga casualties.