KORONADAL CITY
– Nagalaum subong ang pamilya Suganob sa banwa sang Norala, South Cotabato nga magpuli na sa ila lugar si Father Teresito ‘Chito” Suganob matapos nga nakalagyo sa kamot sang Maute-ISIS sa Marawi City.
Sa ekslusibo nga interbyu sang Bombo Radyo Koronadal kay Boyet Suganob ang otod ni Father Chito, ginpahayag sini nga humalin sang mabalitaan nila ang pagrescue sa iya otod wala sa gihapon ini sang kontak sa ila rason nga sa mga balita na lamang sila nagahulat sang updates kun sa diin na si Father Chito.
Samtang ginpahayag sini nga nagapati sila nga ang rason kun ngaa nakaluwas si Father Chito ang bangud ini sa pagtib ong sang mga Pilipino kag sa pangamuyo nga ginatanyag sang bug os nga pungsod para sa iya kaluwasan.
Ginkumpirmar man sini nga humalin sang nabihag ang pari,wala sila nadulaan sang paglaum nga masalbar pa ini sa baylo nagpangamuyo sila adlaw adlaw para sa iya kaluwasan.
Kaangot sini, apisar wala pa sangkomunikasyon sa subong kay Father Suganob, malipayon sila sa balita nga luwas na ini kag makapuli na sa iya hometown.
