KORONADAL CITY- Malipayon nga ginkumpirmar ni Chief presidential peace adviser Jesus Dureza sa Bombo Radyo Koronadal nga nahilway na ang Vicar General sang Marawi City nga si Father Teresito Chito Suganob kag ang kaupod sini nga manunudlo.
Nahibaluan nga madinalag-on nga narescue ang mga ini sang Armed Forces of the Philippines malapit sa Moske Bato makaligad nga makapalagyo ini kamot sang ISIS-Maute samtang masako ang mga terorista sa pakig gyrea sa tropa sang gobyerno kagab-i.
Samtang sa subong yara na sa maayo nga kahimtangan ang pari kaupod ang manunudlo sang Dansalan College nga si Lordvin Ocopio.
Sa subong ginalauman nga igapresentar anuman nga oras sang militar ang 2 ka mga napalagyo nga bihag kag magapagwa sang dugang nga mga impormasyon kun paano ang mga ini nakapalagyo sa kamot sang ila captors.
Samtang nagpamalibad naman si Sec. Dureza nga ipahibalo kun sa diin gindala ang mga narescue nga bihag para sa kaluwasan sang mga ini.
Kun madumduman nga si Father Chito Suganob ang gin abduct sa St. Mary’s Cathedral sa syudad sang Marawi kun sa diin kaupod naman sini nga ginhostage ang 200 ka iban pa sa tunga sang Marawi Crisis nga ginalakipan sang mga kabataan, kababaihan kag mga laborer mangin man ang mga manunudlo sang Dansalan College.
Dugang pa nga kun madumduman si Father Suganob ang ginhimo naman nga tigluto, tig karga sang mga armas sang Maute-ISIS kag gintudluan pa nga maghimo sang bomba base sa nauna na nga mga bihag nga nakalagyo sa kamot sa terorista nga grupo.
