KORONADAL CITY-Gin ako ni Tampakan, South Cotabato Mayor Leonardo Escobillo nga tuman ini nga nasakitan nga siya ang nangin target sang kapulisan sa ginpatigayon nga search implementation nga gina-angot sa droga.
Suno sa ginpaguwa nga final statement sang Alkalde matapos ang operasyon sang Regional Public Safety Batallion Region 12 sa iya panimalay, ginpahayag sini nga masakit para sa iya bangud pila ka tuig na nila nga ginhalungan agud indi mahigkuan ang ila pangalan apang sa isa ka tion naguba lamang ini sa sala nga pagpati.
Gin insister man sini nga wala siya nagpangawat sa gobyerno kag humalin sa iya pagkabata wala siya sang nahimo nga mga bayulasyon.
Ginpahayag naman sini nga gin initan lamang siya sang mga kaaway sa politiko nga nagahandom man sa iya nga posisyon rason nga ginkumpirmar nga indi na magpadalagan pa sa madason nga eleksyon sa anoman nga posisyon ilabi na kay ini na ang iya ulihi nga termino.
Sa pihak nga bahin, ginpahayag ni Mayor Escobillo nga wala siya sa narcolist ni Pangulong Rodrigo Duterte kag wala pa nagguwa ang iya nga pangalan sa anoman nga kaangtanan sa iligal nga droga.
Madumduman nga ginhalughog ang balay ni Escobillo sa bisa sang 15 search warrant kalakip na diri ang duha sini nga bata nga nakuhaan sang nagkalain-lain nga klase sang armas, bala kag 100,000 apang negatibo sa iligal nga droga.
