KORONADAL CITY- Panibag-o nga syam naman ka myembro sang Guerilla Front 73 sang New People’s Army ang nagsungka kay Lt. Col. Harold Cabunoc ang Commanding officer sang 33rd Infantry Battalion Philippine Army sa Malegdeg Village, Senator Ninoy Aquino, Sultan Kudarat.
Nahibaluan nga isa sa mga kaupod nga nagsungka amuh ang trained bomb maker sang komunista nga rebelde nga grupo nga si Buloy.
Kadungan sang ila pagsurrender sa militar, ginsungka man sang mga ini ang 6 large size improvised bombs, medical equipment, kag subversive materials.
Suno kay Col. Cabunoc ang asud-asod nga pagsungka sang mga rebelde ang resulta sang pakig-angot sang mga militar kag civil authorities agud masolusyunan ang social issues nga nagatulod sa mga lumads nag magsali sa grupo sang NPA.
Kun madumduman nga yara sa 30 ka myembro sang Guerilla Front 73 ang nagsungka sa militar humalin pa sang Mayo 2017 nga nagpahuyang sa pwersa sang rebelde nga grupo sa lugar.
