KORONADAL CITY- Madinalag-on nga naarestar sang Anti-Narcotics agents ang 8 ka mgmiyembro sang isa ka dako nga drug ring nga naga operar sa 6 ka banwa sa probinsya sang Maguindanao.
Nahibaluan nga ginkasa sang gintingob nga pwersa sang Philippine Drug Enforcement Agency sang Autonomous Region in Muslim Mindanao (PDEA-ARMM) kag sang Maguindanao Provincial Police kag 37th Infantry Battalion ang separarnga raids sang Sultan Kudarat, Maguindanao kun sa diin nagresulta sa pagka-arestar kanday Almusid Karim, Ibrahim Karim, Madryu Karim, Fatima Karim, Jimmy Gomez, Reniel Ampatuan, Nasser Usop Makalinggi kag isa ka Cortez Ismael.
Narekober man ang ginabulubanta nga indi magnubo sa 30 ka dalagkuan nga pakete sang shabu kag mga highpowered firearms.
Suno kay Juvenal Azurin, PDEA-ARMM director nga ang mga nadakpan ang ginasiling nga mga remnants sang ‘Bua’ drug syndicate nga ginakabug-usan sang mga Iranun kag Maguindanaon members nga nagasuplay sang shabu sa Sultan Kudarat, Sultan Mastura, Parang, Buldon, Barira kag Matanog sa probinsya sang Maguindanao.
Ang mga nadakpan nga mga suspek ang yara na sa kustodiya sang Philippine Drug Enforcement Agency sang Autonomous Region in Muslim Mindanao (PDEA-ARMM) kag magapangatubang sa kaso nga pagbayolar sa Republic Act 9165 ukon Philippine Dangerous Drugs Act of 2002 kag possession of unlicensed firearms.
