KORONADAL CITY- Ginkaalarma sang Integrated Provincial Health Office sang South Cotabato ang panibag-o na naman nga numero sang napagkit nga patay bangud sa rabies.
Sa interbyu sang Bombo Radyo Koronadal kay John Codilla, rabies focal person sang IPHO-South Cotabato, tatlo ang napagkit nga patay bangud sa rabies kag bangud sa nasambit nga numero mas ginpahugtan pa nila ang kampanya batuk sa rabies ilabi na sa mga banwa sang Norala, Polomolok, Sto. Niño kag mangin man sa syudad sang Koronadal kun sa diin madamo sang mataas nga kaso sang rabies.
Samtang nagpahanumdum naman ini sa mga pet owners nga mangin responsable ilabi na sa ila mga hinuptan nga mga ido bangud sa oras nga mabiktima ang ila nga mga hinuptan nga mga sapat kag napabay-an ang biktima magapanabat ang tag-iya.
Nahibaluan nga sini nga nakaligad nga bulan sang Abril kag Mayo, nakapagkit sang mataas nga numero sang rabies sa probinsya.
