KORONADAL CITY- Nagsungka sa 27th IB Philippine Army ang 2 ka mga myembro sang NPA nga naga operate sa probinsya sang South Cotabato.
Ginkilala ang mga surrenderees nga sanday Goyo Lagal Pandatu alyas Bombay, 27 anyos, may asawa kag residente san Barangay Moloy, Suralla, South Cotabato kag Toto Lumbay Sore alyas Toto, 32 anyos, may asawa kag residente sang Brgy. Upper Sepaka, Surallah South Cotabato.
Ila man ginsungka ang ila M-16 rifle, isa ka improvised M-79 rifle kag Thompson submachine gun sa mga katapo sang 27th IB.
Suno kay Pandatu, nakapoy na sila sa pagpanago bangud sa padayon nga military operations kag kahadlok man nga maipit sa engkwentro.
Nagpanawagan naman si 1002nd Brigade Commander Brigadier General Roberto Ancan sa mga nabilin nga mga terorista nga magsungka na kag magpangabuhi nga matawhay kaupod ang ila mga pamilya.
Gindayaw naman ni 10th Infantry Division commander Major General Noel S Clement ang accomplishment sang 27th IB.
Suno sa iya padayon ang mas hugot pa nga security operation kag pakig-angot sa mga stakeholders agud maprotehiran ang mga tawo sa ila area of responsibility.
