KORONADAL CITY – Nilibo ka mga residente subong gikan sa 7 ka barangay sa banwa sang Sultan Mastura Maguindanao ang apektado sang baha tuga sang wala untat nga pagbubo sang ulan.
Ang nasambit nga mga barangay ang ginalakipan sang Brgy. Solon, Kerker, Simuay seashore, Namuken kag Tariken.
Suno sa MDRRMO sang Sultan Mastura, lubos nga naapektuhan ang mga sapat sang mga residente nga wala mabakwit bangud sa nakita na lamang ang mga ini nga nagalutaw sa tubig-baha.
Pila lamang sa mga sapat sang mga residente nga napatay ang mga baka, karabaw kag kanding.
Magluwas diri, naguba man ang mga pananum sang mga mangunguma.
Nahibaluan nga naglab-ot sa hawak ang baha sa iban nga mga barangay sa nasambit nga banwa bangud sa pag-awas sang simuay river kun diin mangin ang kaiping nga banwa nga Sultan Kudarat ang apektado man.
Kaangot sini, nagapadayon sa subong ang monitoring sang Provincial Disasater Risk Reduction Mangement Council ukon PDRRMC-Maguindanao sa mga apektado sang baha.
Gilayon man nga ginmandu ni Governor Esmael “Toto” Mangudadatu ang paghatag sang bulig sa mga apektado nga residente.
