KORONADAL CITY – Ginbawian sang kabuhi ang isa ka lineman samtang pilason naman ang duha pa ka kaupdanan sini matapos nga makuryente samtang nagapatindog sang poste sa Purok Zone 2, Bry. San Pablo siyudad sang Tacurong.
Ginkilala ang mga napatay nga sanday Michael Manlupig nga residente sang Brgy. Fatima, Uhaw, General Santos City kag Franco Canino samtang pilason naman si Jessie Mission nga lunsay residente sang Alabel, Saranggani province.
Sa interbyu sang Bombo Radyo Koronadal kay Ricardo Bildad kaupod sang mga biktima, nakahanda na kuntani sila nga ipatindog ang isa ka poste sang hinali na lamang nga mag-igo sa main line sang Sultan Kudarat Electric Cooperative (SUKELCO) kag wala ginalauman ang pag-spark sang kuryente kun diin gilayon nga nagtabog ang mga kaupdanan sini.
Gilayon naman nga gindala sa pinakamalapit nga hospital ang mga biktima apang gindeklarar nga dead on arrival si Michael.
Nahibaluan nga ang nasambit nga mga lineman ang empleyado sang PLDT.
